|
| 睇番上次寫Xanga嘅日子, 原來已經是一年多前了, 竟然一放就放低左咁耐, 今日再寫返, 真係有啲久別重逢的感覺! 最近的心情好奇怪, 一時可以好開心, 但係忽然間又會有啲唔開心, 好奇怪! 或者係因為已經3個多月沒有工作的原因影響吧!! 呢3個月入面, 我都好努力揾工, 不過唔知咩原因, 無論點send, 都冇咩工叫我去interview, 除左一啲同Financial有關的工作! 直至昨日, 終於見左一份工我覺得係有機會架喇, 如果入到去做, 對我黎講應該都係好事, 不過最終都係要睇下神嘅心意, 所以我會繼續俾佢話事! 個人年紀大左, 諗野又開始唔同左喇, 總係覺得個人嘅顧慮又多左, 而且好似個人感性左咁, 又好幾次都眼濕濕, 不過我都好感恩, 感謝神俾我咁多經歷, 可以睇見咁多野! 我真係好想為祢做多啲野, 將我所看所見嘅野同更多人分享 ~~ 當然首先要做嘅, 就係要努力裝備下自己先啦! 上星期六, 我有份參與Tracy嘅歡送會, 完全冇諗過會有過百人參與, 不過都真係好開心, 因為見到有好多人都好錫Tracy, 都係發自內心的愛, 好enjoy的一個晚上 ~~ 其實那天晚上好想出去分享, 不過最終都沒有勇氣!! 我想同Tracy及約拿團講聲對唔住, 因為我覺得好慚愧, 早在約拿團成立嘅時候, 張師母已經揾左我, 阿Man及程程去做一個團契的小小導師, 但係我冇好好咁去珍惜呢個機會為神工作, 同埋去了解佢地, 同佢地相處, 我嘅感覺係我錯失左好多我應該可以得到嘅野, 就係陪住佢地一齊成長!! 直到見到約拿團的團友一個一個咁去分享, 我先體會到佢地嘅感情係幾咁深厚! 好羨慕阿Man同佢地嘅關係好似兄弟姊妹咁呢!! *好對唔住呢, 約拿團團友們!!* 我開始對我地嘅將來冇信心了, 因為大家嘅距離好似又遠左咁, 我想好好咁同你溝通, 不過又真係唔係好明白你諗咩, 究竟點先可以拉近番我同你嘅距離呢? 定係又一次俾人說中而分開收場呢? | | |
| 又一日整天待在家中找工作, 不過都係冇特別, 只係上午有電話打來, 叫我明天見工, 那間公司就是家姐工作中的公司, 謝謝你的幫忙, 總算有工可以見了 ^ ^ 希望聽日我可以做好一點, 之後跟你一起共事啦 ~~ 原本打算到沙灘曬下太陽, 因為呢兩日天氣真的不錯, 太陽伯伯陪足我地成大半日, 不過最後都係決定唔去, 留在家中, 感覺有點奇怪, 其實係想去嘅, 最後又係冇去,唔知咩原因, 因係想留在家中.......... 今天晚上, 吃完晚飯後就拿晚飯給feeling, 回家途中, 正在想, 好像很久都沒有打電話給阿青了, 我知道她很忙, 所以沒有特意打擾, 只是覺得為何沒有打給她, 就在這個時候, 她打電話給我了, 唔知點解, 佢一打電話給我, 總是說一些我料想不到的話! 這一次, 她打來就跟我說, "喂, 我瞓啦, 早抖!!" 我真係唔知俾咩反應!! 但係有啲野真係好奇怪, 我正在想為何這麼久沒通電話, 她就打來了, 這算是緣份嗎? haha ~~~ | | |
| 病左幾日, 終於都叫做好返少少喇, 起碼都可以食返多啲野同埋唔駛只係食一樣野!! 不過可能真係病完幾日, 個人真係瘦左, 個個見到都話我瘦左, 又冇咩精神咁!! 不過我覺得自己應該好返架喇, 個人已經精神左好多, 又冇咩點痾, 所以應該冇問題架喇!! ^^ 所以頭先返屋企嘅時候去超市買左野整salad, haha ~~~ 仲買左ice-cream tim !! 在超市見到阿yu, 佢男友同佢個妹, 見到面都只係打左個招呼, 大概唔係幾方便掛, 如果唔係, 就真係有啲可惜了!! 今日同哥哥食lunch, 佢同我講佢都好似開始唔舒服了, 同我一樣, 都係痾, 冇胃口咁, 所以我就俾左啲止痾藥佢食, 唔好浪費丫嘛, 希望佢都快啲好返啦!! 而我婆婆的病都好似冇咩點好, 可能年紀大了, recover得比較耐, 佢聽日又要睇醫生喇, 都希望佢聽聽話話, 快啲好返啦 !! 看了阿青xanga, 先知道原來佢都病了, 不過又睇到佢話自己去左買藥食, 又覺得好奇怪, 究竟係咩令到佢咁聽話自己食藥呢? 其實都係好事呢, 起碼有病自己都知道要食藥, 始終身體最緊要, 你都要聽聽話話, 準時食藥呀 ^^ 開始覺得同朋友之間有一點疏遠了, 我知道係我自己問題, 我成日都好似封閉左自己咁, 又成日同自己講要陪家人多啲, 所以同朋友反而相處少左, 我的朋友們, 真的不好意思 !! 我又不自覺地將自己的地位提升了, 所以就會變成多管閒事, 干涉人地生活, 將自己意思當左係人地意思, 其實我又唔係咩人, 又唔係人地邊個, 我又何必去干涉人地呢? 我會好好學習的 !! | | |
| 今日一早起左身, 因為上午要見工, 其實真係唔緊張, 只係抱住見識下嘅心態去見, 不過都係嗰句, 又係瞓得唔係幾好, 成日瞓下醒下咁, 好難頂呢, 最終都係鬧鐘未響就俾我按熄了!! 一起來, 哥哥竟然比我還要早, 因為佢已經在toilet了, 等了一會, 亦趁等待著的時間便首先刷牙, 哥哥出來後我就進去了~~ 唔知發生咩事, 兩日痾左6次, 唔想食野, 瞓覺又頭痛, 作嘔作悶咁, 真係好難頂, 今次真係"痾可"了, haha ~~~ 返左香港都唔係好耐啫, 點解會不斷睇醫生呢? 究竟係我身子虛弱左丫? 還是香港啲食物真係咁有問題呢? 由於肚子痛的關係, 所以就算早左起身,都攪到好遲先出門口, 不過都冇遲到, 仲早到左少少 ^ ^ 但係一上到去, 見到"友邦保險" ...... 噢!!! 點解又係保險呢? 有冇第2樣呀? 都係本住上到去就睇下囉嘅心態, 就做左少少test, 同埋interview!! 傾左一陣之後, 個阿姐開始吹水了, 我其實有少少想走, 不過好似好冇禮貌, 所以聽埋先走囉, 點知一聽就聽左差不多成個鐘, 唉 ...... 再次浪費時間!! 幾時先揾到一份似樣嘅工呢? 我又唔係要人工好高, 只係average啫!! 同哥哥食完野, 就幫婆婆買野, 返到屋企之後, 個人病到冇咩心機, 所以冇揾工, 只係打左一陣機, 希望今晚休息完, 聽日會好啲啦 ~~ 原來"信心"同"等"係一門好高深嘅學問, 唔知我可唔可以overcome佢地呢? 今日阿青打俾我, 問我做緊咩? 答完佢之後, 佢再交代一下自己會做咩之後, 就同我講話, "我唔同你講喇, 我要食野呀, 係咁啦, 收線喇, byebye" 點解好似係我打俾你, 阻住你食飯咁呢? 真係好奇怪 !! | | |
| 最近瞓覺瞓得唔係幾好, 唔知發生咩事, 所以今日冇去同阿婆飲茶, 瞓醒就同阿哥去左食野 成日都留在家中揾工, 不過好似冇咩發現, 其實都開始有少少擔心, 我好想快啲揾到工, 但係就偏偏睇唔到, 一係就保險, 一係就傳銷, 真係冇咩興趣囉!! 我相信神會為我安排的, 我會用心等候你嘅意思 !! 昨晚和友人聊天, 聽她的分享, 我知道原來我比很多人都幸運, 自小身邊的人都對自己好好, 沒有甚麼不快的經歷, 感謝神!! 或許就是我沒有這些經歷, 所以我的想法還是很幼稚, 而且有點天真, 但願我會慢慢經歷多一點, 讓我可以成熟多一點 !! | | |
|
